បាងកក៖ ក្រសួងសុខាភិបាលថៃបានបញ្ជាក់នៅថ្ងៃព្រហស្បតិ៍នេះថា ប្រទេសថៃនឹងបន្តកម្មវិធី "Test & Go" ចូលថៃដោយមិនធ្វើចត្តាឡីស័កសម្រាប់អ្នកដែលបានវ៉ាក់សាំងរួចចាប់ពីថ្ងៃទី១ ខែកុម្ភៈតទៅ។

កម្មវិធី "Test & Go" នេះត្រូវបាន ផ្អាកកាលពីមួយខែមុន បន្ទាប់ពីអនុវត្តបាន ត្រឹមតែប្រាំពីរសប្តាហ៍ប៉ុណ្ណោះដោយសារតែការរីករាលដាលជាសកលយ៉ាងឆាប់រហ័សមេរោគបំលែងថ្មីអូមីក្រុង និងភាពមិនច្បាស់លាស់អំពីប្រសិទ្ធភាពនៃវ៉ាក់សាំងប្រឆាំងនឹងមេរោគនេះ។

អាជ្ញាធរក៏បានបន្ថែមម៉ោងភោជនីយដ្ឋានត្រូវបានអនុញ្ញាតឱ្យបម្រើគ្រឿងស្រវឹងដល់ម៉ោង១១យប់ផងដែរ។ ទោះយ៉ាងណាក៏ដោយ បារ និងក្លឹបរាត្រីនឹងនៅតែបិទដដែល។

ការផ្លាស់ប្តូរនេះមានគោលបំណងស្តារឡើងវិញនូវវិស័យទេសចរណ៍ដែលត្រូវបានបំផ្លាញដោយជំងឺរាតត្បាតកូវីដ ១៩។

គួរបញ្ជាក់ផងដែរថា ប្រទេសថៃបានរាយការណ៍ពីការឆ្លងមេរោគចំនួន ២,៣លាននាក់ និងអ្នកស្លាប់ដោយសារជំងឺកូវីដ១៩សរុបជិត ២២,០០០ នាក់។ គិតមកដល់ពេលនេះ ប្រជាជនថៃប្រហែល២/៣បានចាក់វ៉ាក់សាំងរួចរាល់ ហើយ១៥ភាគរយបានទទួលដូសជំរុញ៕